- يا هلا! كيفك؟ والله نزلنا قلنا بنشوف اذا جبنا شي كتاب من هالمعرض. لأ لحد هلق ما لقينا شي. ما في كتاب معيّن اصلا. وليد منيح، غاطس بهيدا الدار اللي هون و بعده ما رجع. لنشوف شو بيطلع معه.... ماما، سلم ع خالتو..عم تقلك كيفك. معصّب. صارلنا زمان هون و الهيئة زهق.. لا ما لقيناله شي، استحلى هو لحاله هالكتاب. ماما، فرجي خالتو كتابك.. هاي رجع وليد.
- دلال- اهلا كيفك انشالله منيحة؟- دلال، اعطيني مصاري حياتي.
- ضلّك اقرا روبرت فيسك انت! ... حياتي! شو هيدا؟؟! بدنا شي 10 سنين لنخلصه!
- ايه ما هاي هيّ. هيك أوفر.
- قديش حقه ؟ بتعرفي انا هلق جبت كم كتاب pocket book عاملين عليهن سعر خاص. الواحد ب 2دولار. جبت 2.
- بس انا قلتلها تجيبلها شي 10! كتير رخاص!
- ايه بس ما انا ما بحب جيب كتير و يطلعوا بايخين. كنت عم بقرا الملخّص ع قفا كل الكتاب لآخد عنه فكرة. و اصلا اذا قريت ال2 اللي جبتن منيح لأنه الملخّص و ما الي خلق اقراه!.. شو حياتي، ما رح تاخد الكتاب؟
- لأ. بدي اسحب مصاري.
- يي.
- دخلك شو فيه هونيك؟ اها.. توقيع. توقيع لمين؟ اه ..مين هو هيدا؟ اه اوكي .. شو نوع الكتاب؟ اها .. اها .. قديش حقه؟ اه اوكي. طيب.. شو؟ بنوصلك بطريقنا؟
2 comments:
ليش باللبناني
والله لأنه حدث في "بيروت" مثلا؟
لما يصير بمدريد ببقى بكتبه بالاسباني
حضرلك كم كورس لغة من هلق لوقتها
Post a Comment