على فكرة 32

- يعني معقولة نضل هيك لا معلقين ولا مطلقين؟

- بدنا نصبر شوي حبيبتي

- لايمتى بدنا نضل نصبر حبيبي؟

- ليتغير وضعنا عالفيس بوك من

"It's complicated" الى "In a relationship"

على فكرة 31

- يا أخي ليش هيك مكتئب؟ حب الحياة شوي

- مين قلك ما بحب الحياة؟ انا بموت بالحياة

- ...

على فكرة 30

- طيب ليش بتضلّك اونلاين؟

- لأ ما تخافي. عندي حياة اوفلاين

- ...

على فكرة 29

- مبسوط؟
- على شو؟
- شفت كيف؟

على فكرة 26

- والله صاروا 26؟
- رح يصيروا 27 كمان
- 28!

اهداء لسمر

على فكرة 25

- يا اخي بدك تطوّل بالك .. بالنهاية اللي كاتبه الله رح يصير

- فكرك صاير معه "writer's block" على حظي؟

على فكرة 24

- So you're saying we don't have chemistry?
- No, no, the chemistry is there. It's the "biology" that we're missing.

على فكرة 22

- بتعرف.. بقرف حياتي لما احكي مع عالم متلك
- عم تحكي معي!!؟
- لأ عم بقرف حياتي

على فكرة 21

- ما رح نقدر نلتقي اليوم..مش تاركة البيت من اساسه. كتير بردانة!
- كتير بردانة أو كتير باردة؟

على فكرة 20

- ملاحظة انّك دايما مزعوجة؟
- ملاحظة
- ملاحظة انّك ما عم تعملي شي لتغيري هالواقع؟
- ملاحظة
- طيّب ملاحظة انّك ملاحظة؟
- …

على فكرة 18

- بركي صار شي
- ما رح يصير شي
- يا عمي فرضاً
- والله ما رح يصير شي
- بس الوضع بيخوّف
- الوضع المفروض يخوّف
- طيّب خاف!
- يي! شو قصتك انت؟
- بخاف
- من شو؟
- عليك ...

على فكرة 17

- ع لحظة فكّرت انه ما رح تردّي
- ليك جرّب ما تفكر من يوم و رايح لأنه ما عم تزبط معك
- ما افكّر؟ شو بدّك اياني اعمل.. احسّ؟
- لأ هاي صعبة عليك شوي..

على فكرة 16

- اعطيني 2 بتعمل معروف .. شكرا .. تفضّل

- مرسي الك .. دوموزيل؟ ...هيدا الشال اللي حاطتيه على رقبتك..
- ...
- انتبهي اذا بردت. لأنه ممكن تصنّج رقبتك اذا دفيت كتير
- والله؟ .. و اذا دفيت شوي؟؟
- ...

على فكرة 14

*ليك مش حلو هيك ابدا اوكي؟

- شو هو؟

* ما تبقى تعيدها

- شو هي؟

* خلص انت فاهم

- عن جد؟

* المفروض يعني

- ما حاسس اني فاهم

* ما عشان هيك ما بقى تعيدها

على فكرة 12

- شو رأيك؟
- اوووه ... غير شكل!
- عاجبك يعني؟
- معلوم.
- طب ليش بدك اياه غير شكل؟

على فكرة 11

* المهم، كيفك انت؟

- مشتاقلك قد الدنيا!

* ...

- شو؟

* ...

- ...

* المهم، كيفك انت؟

على فكرة 10

- ليك ... لاحظت انه مرق تدوينتين "ابيض و هيك" رقم 9؟

على فكرة 9

- قصدي ليش ما بتكتب شي عن الوضع الفلسطيني الأخير؟
- ايّا منهن؟

على فكرة 8

- بعدني واصل وحاسس انه اشتقت لبيروت
- بعدني ببيروت... و حاسة انه اشتقتلها

على فكرة 7

- ؟
- ..
- ؟؟
- !!!
- ..