" والله الصبي ناوي يدرس هندسة. بس هديك اللي مشيبتنا! طالعة لأمها.."
عاصم – 62 عاما، مخاطبا ابو مازن " الدكنجي" – 60عاما
" ماما حبيبي ، انتبه و انت عم تقطع الشارع. و اوعى تفلت ايد اختك!"
تغريد 40 عاما، مخاطبة محمد – 9 اعوام
" اعطيني وقت لافكر بالموضوع.."
تغريد – 30 عاما، مخاطبة عاصم – 44 عاما
" تغريد! تغريد!! عم تسمعيني يا امي؟؟ شو عملت بحالك يا مجنونة!! تغرييييد!!"
فاطمة – 46 عاما، مخاطبة تغريد – 24 عاما
" انا بحبك."
مايك - 27 عاما، مخاطبا تغريد – 24 عاما
" و شو انت؟ من بين كل هالشباب ما في ولا واحد محرز؟"
فاطمة – 45 عاما ، مخاطبة تغريد – 23 عاما
" كل مرة بجرب أفهم ما بفهم. يا أنا الغلط يا هو."
تغريد – 22 عاما، مخاطبة لمى – 22 عاما
" ما رح أقدر اجي. ما بقدر اطلع من البيت. بيعملولي قصة."
تغريد – 20 عاما، مخاطبة مصطفى– 21 عاما
" يا بنتي نحنا بنعرف مصلحتك."
جمال – 47 عاما ، مخاطبا تغريد – 18 عاما
"العصفور لا يحب القفص. اصحاب العصفور يحبون أن يتفرجوا عليه و هو محبوس و يظنون انه سعيد مثلهم. لكن العصفور يحب ان يطير على جوانح الحرية."
تغريد – 13 عاما (في حصة التعبير)
dedicated to Samar*
1 comment:
مسكينة ها التغريد
بس المهم مين هاد أبو مازن الدكنجي
ما يكون قصدك أنا
;)
Post a Comment