Sunday, December 16, 2007

القصة مش طقس


اليوم، و انا ماشية، اتطلعت عالسما. كانت زرقا شوي و بيضا كتير.
قلت "بدي ارسم السما".
و رسمتها ببالي.

اليوم، و انا ماشية، حسيت بالهوا عم يلفحني. كان جارح شوي و بارد كتير.
قلت "بدي ارسم الهوا".
و رسمته ببالي.

اليوم، و انا ماشية، فكرت فيك. كنت بعيد شوي و قريب كتير.
قلت " بدي ارسمَك ".

بس ما عرفت.

في الك الف وجه و وجه.

2 comments:

سمر عبد الجابر said...

bas halla2 ma betzakker shakel wejjak...


i like it amalmal :)

Layal K said...

سبقتني سمر :)
بس بذكر قديش كان أليف....

ياريت مذكرتيه أليف